Հայաստանի Մէջ Այս Տարուայ Ինն Ամիսներուն 2016-ի Համեմատ Գնաճը Կազմած է 0.6 Տոկոս

knaj

Հայաստանի սպառողական շուկային մէջ, ընթացիկ տարուան Սեպտեմբերին՝ Օգոստոսի համեմատ՝ արձանագրուած է 0.2 տոկոս գնաճ, որ մեծապէս պայմանաւորուած է ո՛չ պարէնային ապրանքներու 1.3 տոկոս գնաճով: 2016-ի ինն ամիսներուն համեմատ՝ այս տարուան Յունուար­-Սեպտեմբերին նկատուած է 0.6 տոկոս գնաճ: Այս մասին կը վկայեն ՀՀ Ազգային վիճակագրական ծառայութեան (ԱՎԾ) տուեալները:

2017-­ի Սեպտեմբերին՝ Օգոստոսի համեմատ՝ մայրաքաղաքի մէջ սպառողական գիները աճած են 0.4 տոկոսով, հանրապետութեան` ԱՎԾ­-ի կողմէ դիտարկուող 5 քաղաքներու մէջ արձանագրուած է 0.6­0.1 տոկոս գնանկում, իսկ 5-ի մէջ պահպանուած է գիներու նախորդ ամսուան մակարդակը:

2017 Սեպտեմբերին՝ Օգոստոսի համեմատ՝ հանրապետութեան մէջ արձանագրուած է սննդամթերքի 0.2 տոկոս գնանկում, որ պայմանաւորուած է յատկապէս պտուղի եւ շաքարի ապրանքախումբերու` համապատասխանաբար 9.5 եւ 4.6 տոկոս գնանկումով:

Ընթացիկ տարուան Սեպտեմբերին՝ Օգոստոսի համեմատ` պարէնային ապրանքներու շուկային մէջ արձանագրուած է 1.3 տոկոս գնաճ, որ մեծապէս պայմանաւորուած է հագուստի եւ կօշիկի` համապատասխանաբար 5.2 եւ 6.4 տոկոս գնաճով:

2017 Սեպտեմբերին՝ Օգոստոսի համեմատ՝ վառելանիւթի գիները աճած են համապատասխանաբար` 0.8 եւ 0.1 տոկոսով, իսկ 2016 Դեկտեմբերի համեմատ՝ արձանագրուած է 11.1 եւ 13.9 տոկոս գնաճ:

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS