Ելեկտրական Շարժիչներով Մեքենաներու Ներմուծումը Կրնայ Ազատուիլ Հարկերէ

electramobil

Կառավարութեան նիստի ընթացքին ՀՀ վարչապետ Կարէն Կարապետեան ելեկտրական շարժիչներով մեքենաներու ներմուծումը հարկերէ, տուրքերէ եւ գոյքահարկէ ազատելու վերաբերեալ յանձնարարական տուաւ: «Ներկայիս գործող կարգաւորումներու համաձայն` ելեկտրական շարժիչներով մեքենաներու ներմուծման եւ Հայաստանի տարածքին շահագործման ժամանակ կը կիրառուին շարք մը հարկատեսակներ եւ վճարներ»,- ըսած է վարչապետը:

Հաշուի առնելով նշուած մեքենաներու` բնութեան համար մաքուր ըլլալը եւ ներմուծման ծաւալներու խթանի անհրաժեշտութիւնը, Կարէն Կարապետեան ՀՀ փոխվարչապետ, Միջազգային տնտեսական ընդելուզման եւ բարեփոխումներու նախարարին, Տնտեսական զարգացման եւ ներդրումներու, ելեւմուտքի, բնապահպանութեան նախարարներուն եւ Պետական եկամուտներու կոմիտէի նախագահին յանձնարարեց 1-ամսեայ ժամկէտի մէջ համատեղ ուսումնասիրել ելեկտրական շարժիչներով մեքենաներու` Հայաստանի ներմուծման ժամանակ գանձուող հարկերէն եւ տուրքերէն, ինչպէս նաեւ գոյքահարկէն ազատելու վերաբերեալ գործող օրէնսդրութեան փոփոխութեան հնարաւորութիւնը, հաշուի առնելով նաեւ ԵԱՏՄ  կարգաւորումները, եւ կառավարութեան աշխատակազմ ներկայացնել առաջարկներ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS