Ծաղկաձորի Մէջ Տեղի Կ՛ունենայ Սփիւռքահայ Գրողներու 6-րդ Համաժողովը

writers-dzaghgatsorԳրողներու ստեղծագործական տան մէջ երէկ իր աշխատանքին սկսած համաժողովին կը մասնակցին 17 երկիրներէ ժամանած շուրջ 50 սփիւռքահայ հայագիր եւ օտարագիր գրողներ: Առանձին պատուիրակութեամբ կը մասնակցին նաեւ Արցախի գրողները, կը հաղորդէ «Ազատութիւն»-ը:

Համաժողովի ընթացքին հնչելիք բանախօսութիւններուն մէջ առանցքայիններէն մէկն է «Հայ գրողն ու գրականութիւնը 21-րդ դարուն» թեման:

Սփիւռքահայ գրողներու 6-րդ համաժողովին հիմնական բանախօսութիւններն են․ «Հայաստան – Սփիւռք գրական կապերու ուսումնասիրութիւն» ուղղութեամբ Գիտութիւններու ազգային ակադեմիայի Աբեղեանի անուան գրականութեան հիմնարկին մէջ իրականացուող ծրագիրները պիտի  ներկայացնէ Վարդան Դեւրիկեանը, «Արդի սփիւռքահայ գրական միտումներ»ու մասին պիտի խօսի Սուրէն Աբրահամեանը, Արցախի գրողներու միութեան նախագահ Վարդան Յակոբեան պիտի ներկայացնէ «Արցախ – Սփիւռք գրական կապերու արդի վիճակը» եւ այլն:

Նախատեսուած է նաեւ, որ համաժողովի օրերուն սփիւռքահայ գրողները այցելեն Մայր Աթոռ Սուրբ Էջմիածին, պատմամշակութային այլ յուշաձաններ, թանգարաններ, մասնակցին գիրքերու շնորհանդէսներու: Իսկ շաբաթուան վերջը Օշականի մէջ ներկայ պիտի գտնուին Թարգմանչաց տօնին, որու ընթացին պիտի յանձնուի Գրողներու միութեան ամենամեայ թարգմանչական «Կանթեղ» մրցանակը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS