Ախալցխայի Հոգեւոր Տեսչութիւնը Կրկին Օգնութեան Ձեռք կը Մեկնէ Կարիքաւոր Ընտանիքներուն

Снимок-8

Ախալցխայի հոգեւոր տեսուչ` Հոգշ․ Տ․ Յակոբ աբեղայ Սահակեանը, Հոկտեմբեր 10-ին, օգնութիւն տրամադրեց Վալէ կոչուող շրջանին, Ծերեթելի 26 հասցէին վրայ բնակող Զեդգինիձեներու ընտանիքին: Երկու հոգիէ կազմուած ընտանիքը կը գտնուի նիւթապէս անապահով վիճակի մէջ:

Ըստ Akhaltskha.net-ի՝ սննդամթերք տրամադրուեցաւ նոյն շրջանի, Ծերեթելի 19 հասցէին բնակող Բագրատունեաններու ընտանիքին: Առողջական խնդիրներու պատճառով ընտանիքը յայտնուած է կարիքի մէջ:

Այցելեցին նաեւ նոյն շրջանի, Մէգոբրոբիս 20 հասցէին բնակող Թարզեան Էմմայի ընտանիքին: Երկու հոգիէ բաղկացած ընտանիքը կ՝ապրի անապահով վիճակի մէջ, մշտական աշխատանք չունենալու պատճառով ընտանիքը յայտնուած է կարիքի մէջ` չկարենալով հոգալ անգամ իր նուազագոյն կարիքները:

Այս ընտանիքները իրենց շնորհակալութիւնը յայտնեցին Հոգեւոր Տեսչութեան հոգածու վերաբերմունք ցուցաբերելուն համար:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS