Պաշտպանութեան Ոլորտի Օրէնսդրական Դաշտը Ի Մի Բերելու Կարիք Կայ. Վիգէն Սարգսեան

viken

Պաշտպանութեան ոլորտի օրէնսդրական դաշտը ի մի բերելու կարիք կայ: Այս մասին, այսօր՝ Հոկտեմբեր 11-ին, ԱԺ դահլիճին մէջ «Զինապարտութեան եւ զինուորական ծառայութեան մասին օրէնսդրական նոր կարգաւորումներուն վերաբերեալ» թեմայով խորհրդարանական լսումներուն ժամանակ՝ իր ելոյթին մէջ նշած է պաշտպանութեան նախարար Վիգէն Սարգսեան, կը հաղորդէ Artsakhpress.am-ը։

Անոր խօսքով, խորհրդարանական լսումներուն նպատակը հանրութեան օրէնսդրական նոր կարգաւորումներուն մասին առաջարկը ներկայացնելն է:

Վիգէն Սարգսեան նշած է, որ «Պաշտպանութեան մասին», «Զինուորական ծառայութեան» մասին օրէնքներու ընդունումը կապուած է սահմանադրական բարեփոխումներով, քանի որ եղած փոփոխութիւնները կարիք ունին կարգաւորման օրէնսդրական մակարդակի վրայ:

Օրէնսդրական փոփոխութիւններու երկրորդ նպատակը, ըստ նախարարին, ոլորտին մէջ մէկ միասնական օրէնսդրական դաշտ ստեղծելն է, քանի որ գործող օրէնքներուն մէջ շատ յաճախ կարելի է հանդիպիլ օրէնսդրական նոյն կարգաւորումներուն:

Երրորդ նպատակը պաշտպանական համակարգին մէջ ներդրուած «Պատիւ ունիմ», «Ես եմ»  ծրագիրներուն համար իրաւական հիմքի ստեղծումն է, որոնք լուծում կը պահանջեն. «Երկու ծրագիրն ալ, ինչպէս նաեւ բազմաթիւ այլ փոփոխութիւններ, կարիք ունին իրաւական ձեւակերպման՝ օրէնքի մակարդակով»:

Վիգէն Սարգասեանի խօսքով, նոր կարգաւորումներով պիտի յստականան նաեւ ՊՆ-ի ու Զինուած ուժերու գլխաւոր շտապի գործառոյթները, պիտի արդիականացուին զօրակոչային ծառայութիւնները:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS