Ֆրեզնոցի Բժիշկներու Խումբը Արցախ Կ՛այցելէ

1011fresno

Արցախի Հանրապետութեան նախագահ Բակօ Սահակեան, Հոկտեմբեր 10-ին, ընդունած է Ֆրեզնոյէն ժամանած խումբ մը բժիշկներ, որոնք բարեգործական հիմքերով բժշկական ծառայութիւն կը մատուցեն Արցախի եւ Հայաստանի բնակիչներուն: Այս մասին կը յայտնեն ԱՀ նախագահի մամուլի վարչութենէն։

Հանդիպման ընթացքին քննարկուած են առողջապահութեան ոլորտէն ներս փոխգործակցութեան հեռանկարներուն վերաբերող շարք մը հարցեր:

Նախագահը գոհունակութեամբ ընդգծած է, որ Ֆրեզնոյէն ժամանած բժիշկներու այցելութիւնը Արցախ դարձած է աւանդական, նշելով, որ ամերիկացի բժիշկներու հետ համագործակցութիւնը դրական ազդեցութիւն կը ձգէ Արցախի բժշկական ծառայութիւններու մատուցման վրայ:

Հանդիպման ներկայ եղած են Արցախի Հանրապետութեան առողջապահութեան նախարար Կարինէ Աթայեան, Ֆրեզնոյի մօտ Հայաստանի Հանրապետութեան պատուաւոր հիւպատոս Պերճ Աբգարեան եւ պաշտօնատար այլ անձեր:

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS