«Ուրացման Ճարտարապետները»՝ «Օսքար»-ի Թեկնածու Դառնալու Հաւանական Ֆիլմերու Շարքին

1011montel_williams

Հայոց Ցեղասպանութեան մասին պատմող «Ուրացման Ճարտարապետները» վաւերագրական ֆիլմը «Օսքար» մրցանակի թեկնածու դառնալու վարկաւորում ստացած է. այս մասին յայտարարեց ֆիլմը արտադրողներէն Մոնթել Ուիլեըմզը, Արեւմտեան Ամերիկայի Հայ Դատի յանձնախումբին կազմակերպած խորհրդաժողովին ընթացքին։

Արդարեւ, ֆիլմը մէկն է այն 159 վաւերագրական ֆիլմերէն, որոնք ընտրուած են աւելի քան 26,000 ֆիլմերու ցանկէն եւ հաւանականութիւնը ունին «Օսքար»-ի թեկնածու դառնալու։

Տին Քէյնի եւ Մոնթել Ուիլեըմզի արտադրած սոյն ֆիլմին մէջ Ցեղասպանութեան մասին փաստերը կը ներկայացուին վերապրողներու եւ մասնագէտներու կողմէ, ինչպէս նաեւ լուսարձակի տակ կ՛առնուին Ցեղասպանութիւնը ուրանալու համար Անգարայի ջանքերը եւ Ցեղասպանութեան շարունակութիւնը համարուող ատրպէյճանական սպանդները։

Ֆիլմին մէջ նաեւ համեմատութիւններ կը կատարուին Հայոց Ցեղասպանութեան, Հրէական Ողջակիզման եւ անցեալի ու ներկայի զանգուածային ջարդերուն միջեւ:

Յիշեցնենք, որ ֆիլմին անդրանիկ ցուցադրութիւնը տեղի ունեցաւ մայրաքաղաք Ուաշինկթընի մէջ, իսկ ներկայիս կը ցուցադրուի Հարաւային Քալիֆորնիոյ մէջ։

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS