Պոլսոյ Հայոց Պատրիարքի Ընտրութիւնները Նախաձեռնող Խումբը Առաջարկներ Ուղարկած է Սթամպուլի Նահանգապետարան

badriarkaran

Պոլսոյ Հայոց պատրիարքի ընտրութիւնները նախաձեռնող խումբը՝ ընտրութիւններու իրականացման ամսաթիւին վերաբերեալ՝ առաջարկ ուղարկած է Սթամպուլի նահանգապետարան:

Ըստ պոլսահակայ «Ակօս» թերթին՝ նախաձեռնող խումբը, իբրեւ պատուիրակներու ընտրութեան ամսաթիւ, առաջարկած է 2017-ի Դեկտեմբեր 10-ը, իսկ պատրիարքի ընտրութիւններուն համար` Դեկտեմբեր 13-ը:

Նահանգապետարան ուղարկուած փաստաթուղթը ստորագրուած է Պոլսոյ Հայոց պատրիարքի տեղապահ Գարեգին Պէքճեանի կողմէ:

Նախաձեռնող խումբի նախնական որոշման համաձայն` Դեկտեմբեր 10-ին հայկական համայնքը պէտք է ընտրէ պատուիրակներ, իսկ պատուիրակներն ալ՝ Դեկտեմբեր 13-ին` պատրիարք:

Պոլսոյ Հայոց պատրիարքարանըՅուլիսինտեղապահ Գարեգին արքեպիսկոպոս Պէքճեանի տնօրինութեամբ՝ Սթամպուլի նահանգապետարան ներկայացուցած էր պատրիարքական ընտրութիւն իրականացնելու խնդրագիրը:

Խնդրագիրին հետ նահանգապետարան ներկայացուած են հանգստեան կոչուած Պոլսոյ պատրիարք Մեսրոպ արքեպիսկոպոս Մութաֆեանի առողջական վիճակին մասին բժշկական տեղեկագիրները, ինչպէս նաեւ անոր համար խնամակալ կարգելու մասին դատական որոշումը:

Խնդրագիրին մէջ ներկայացուած են նաեւ 2017 Մարտ 15-ին գումարուած Եկեղեցական համագումար ժողովին ժամանակ պատրիարքական տեղապահի ընտրութեան արդիւնքները:

Պոլսոյ Հայոց պատրիարքարանին մէջ 2016 Հոկտեմբեր 26-ին կայացած եկեղեցական ժողովին ժամանակ քննարկուած էր այն հարցը, որ 2008 Մայիսէն պատրիարք Մեսրոպ Մութաֆեանը դադրած է պաշտօնավարելէ եւ պատրիարքական աթոռի ընթացիկ գործերը կատարելու համար պատրիարքական ընդհանուր փոխանորդ ընտրուած է Արամ արքեպիսկոպոս Աթէշեանը:

«Եկեղեցական կանոններն ու աւանդոյթը ուխտի լուծարման համար բաւարար կը համարեն եօթը տարուան բացակայութիւնը: Հետեւաբար, Պատրիարքի ութ տարուան բացակայութիւնը կը հաստատէ «պատրիարքական ուխտ»-ի լուծարումը: 2015 թուականի դատաբժշկական յանձնախումբին տեղեկագիրով վաւերացուած է Պատրիարքի ոչ գործուն ըլլալու հանգամանքը:

Վերոնշեալ փաստերը կը հաստատեն, որ Պատրիարքական աթոռը մնացած է «թափուր»: Ուստի Ժողովական Հայրերը միաձայն որոշած են «հանգստեան կոչուած» համարել Ն. Ա. Տ. Մեսրոպ Բ. Ս. Պատրիարք Հայրը եւ անուանել զայն «պատրիարք ի Հանգստեան»,- ըսուած էր ժողովի արդիւնքներով ընդունուած զեկոյց:

 

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS