«Սուրիոյ Դեմոկրատական Ուժեր» Խմբաւորումը ԻՊ-էն 2 Հայ Ընտանիքի Ազատած է

sdg_rakka

«Սուրիոյ դեմոկրատական ուժեր» (SDF) ընդդիմադիր դաշինքի զինուած ջոկատները Ռաքքայի մէջ «իսլամական պետութիւն» (ԻՊ) ահաբեկչական կազմակերպութեան դէմ իրականացուցած գործողութեան 65-րդ օրը, ահաբեկիչներու գերութենէն ազատած է 7 քրիստոնեայ:

Պոլսահայ «Ակօս» թերթը՝ վկայակոչելով քրտական «Արա նիւզ» լրատուական գործակալութիւնը, կը յայտնէ, որ ազատագրուածներուն մէջ կայ 2 հայ ընտանիք:

«Սուրիոյ դեմոկրատական ուժեր»-ու մամուլի ծառայութիւնը հաստատած է վերոնշեալ տեղեկութիւնը:

Ազատագրուած հայ կիներէն մէկը, պատմելով գերութեան մէջ իրենց կրած զրկանքներուն մասին, ըսած է, որ ողջ ընթացքին ԻՊ-ը իրենց ստիպած է գլխաշոր կրել` մահմետականներէն չտարբերուելու համար:

Իսկ ազատագրուածներէն Քարտիճ Քարատիճեան պատմած է, որ իրենք շարունակաբար ստորացուած են, նսեմացուած, քրիտոնեայ ըլլալու պատճառով` իրենցմէ գանծած են աւելի բարձր հարկեր:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS