Թուրքիոյ Հանդէպ Աւելորդ Հանդուրժողականութիւն Ցուցաբերած ենք

erdoganin_putinle_gorusmesi_avrupayi_korkuttu_h1470781220_ec520a

«Թուրքիոյ հանդէպ աւելորդ հանդուրժողականութիւն ցուցաբերած ենք»,- ըսած է  Գերմանիոյ պաշտպանութեան նախարար Ուրսուլա Վոն Տեր Լէյէնը՝  խօսելով թուրք-գերմանական յարաբերութիւններուն մէջ առկայ ճգնաժամին մասին:

Վկայակոչելով թրքական «Gazetekarinca» լրատուական կայքը՝ Ermenihaber.am-ը կը հաղորդէ, թէ անոր գնահատականով Թուրքիան աւելի ու աւելի կը հեռանայ Եւրոպայէն: Լէյէնը՝  նկատի ունենալով Թուրքիոյ իշխանութիւնները, նշած է,  որ օրէնքի սկզբունքներէն ետ կանգնիլը, խօսքի ազատութիւնը սահմանափակելը ոչ մէկ պատճառաբանութիւն կրնայ ունենալ:

Ան անընդունելի համարած է Գերմանիոյ քաղաքացիներու ձերբակալութիւնը Թուրքիոյ մէջ, երբ վերջինս չի հանդիսանար օրէնք յարգող երկիր:

«Թուրքիոյ կառավարութեան նկատմամբ ցուցաբերուած է աւելորդ հանդուրժողականութիւն: Թուրքիան իր նկատմամբ պահանջած յարգանքը, մեր նկատմամբ ալ պէտք է ցուցաբերէ»,- նշած է Գերմանիոյ պաշտպանութեան նախարարը:

Յիշեցնենք, որ թուրք-գերմանական յարաբերութիւններուն մէջ նոր լարուածութեան ալիք առաջացուց  Թուրքիոյ մէջ Գերմանիոյ քաղաքացի Փեթըր Շթոյտների կալանաւորումը, որ կը հանդիսանար «Amnesty International» միջազգային իրաւապաշտպան կազմակերպութեան աշխատակիցը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS