Հալէպահայ Ծովակ Տէր Յովհաննէսեան Լողի Մրցոյթի Սուրիոյ Ախոյեան

20604660_1192695220832502_4647277890580514992_n

Հալէպահայ Ծովակ Տէր Յովհաննէսեան նախորդ ամսուան ընթացքին մասնակցեցաւ Սուրիոյ մակարդակով տեղի ունեցած Հանրապետական Ողոմպիականի լողի մրցոյթին: Ան միակ հայ մասնակիցն էր եւ արժանացաւ երեք մետալներու՝ մէկ արծաթ, երկու պրոնզ, ինչպէս նաեւ երկու պետական գովասանագիրներու: Այս մասին կը հաղորդէ Սուրիոյ «Գանձասար» շաբաթաթերթը։

Աւելցնենք, որ Ծովակ մասնակցած էր Սուրիոյ Պիոներական Շարժումի Երիտասարդական Միութեան Հալէպի մակարդակով կազմակերպած երաժշտական մրցումներուն, որպէս կիթառիստ եւ առաջնակարգ հանդիսացած։

Հալէպի մէջ տեղի ունեցած սոյն մրցոյթին առաջնակարգ դիրքեր գրաւած են նաեւ Արման Տէր Պետրոսեան (կիթառ), Զելա Զաքարեան (ջութակ), Ռոզալի Պարտիզպանեան (դաշնակ), Աննա Մարիա Լէպլէպճեան (կողմնասրինգ)։

Ծովակ յառաջիկայ օրերուն պիտի մեկնի Դամասկոս՝ մասնակցելու Սուրիոյ մակարդակով տեղի ունենալիք երաժշտական մրցոյթին։

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS