Արամ Ա. Կաթողիկոս Ընդունեց Սիսի Կաթողիկոսարանի Դատին Գլխաւոր Փաստաբանը

Sis_82316

Օգոստոս 4-ի առաւօտուն, Պիքֆայայի Ս. Աստուածածին վանքի վեհարանին մէջ, Արամ Ա. վեհափառ հայրապետը աշխատանքային հանդիպում մը ունեցաւ Սիսի կաթողիկոսարանի վերադարձի պահանջի դատին գլխաւոր փաստաբաններէն Ճեմ Սոֆու Օղլուի հետ: Խորհրդակցական հանդիպումին ներկայ էր նաեւ դատի իրաւական յանձնախումբի անդամներէն դոկտ. Նորա Պայրաքտարեանը:

Հանդիպումին ընթացքին քննուեցան դատական հոլովոյթին ներկայ փուլը եւ յառաջիկայ կարելիութիւնները, մասնաւորաբար Թուրքիոյ մէջ տիրող ներկայ պայմաններուն լոյսին տակ: Ապա, վեհափառ հայրապետը եւ ներկաները հեռաձայնային խորհրդակցութիւն ունեցան իրաւական յանձնախումբի միւս անդամներուն հետ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS