Լիբանանահայ Հուրի Տէր Սարգիսեան Նշանակուեցաւ Ընդհանուր Քննիչ. Արա Խաչատուրեան` Քոլոմպիոյ Դեսպան

Houry-Ara_8317Լիբանանի կառավարութեան կողմէ կատարուած պետական նշանակումներու ծիրին մէջ, հայ համայնքը ունեցաւ երեք ընդհանուր տնօրէն:

Լիբանանի «Ազդակ» օրաթերթին փոխանցած տեղեկութիւններով՝ Հուրի Տէր Սարգիսեան նշանակուեցաւ ընդհանուր քննիչ` Կեդրոնական քննիչ խորհուրդին մէջ:

Անցնող շաբթուան ընթացքին դիւանագիտական նշանակումներու կարգին Ճոհանեսպուրկի մէջ Լիբանանի դեսպանատան գործավար Արա Խաչատուրեան նշանակուեցաւ Քոլոմպիոյ մէջ Լիբանանի դեսպան:

Իսկ Ղազախստանի մէջ Լիբանանի դեսպան Վազգէն Գաւլաքեան՝ աւարտելով իր պաշտօնավարութեան շրջանը, պահեց իր դեսպանի հանգամանքը եւ պիտի վերադառնայ արտաքին գործոց նախարարութիւն` նոր պաշտօն ստանձնելու:

Առաջին անգամ ըլլալով հայ համայնքը արտաքին գործոց նախարարութեան մէջ կը ներկայացուի երկու դեսպանով:

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS