150 Տարի Անց Առաջին Մկրտութիւնը Կատարուած է Թուրքիոյ Մէջ Վերակառուցուած Մատուռին Մէջ

didim_vaftiz

Թուրքիոյ Այտըն նահանգի Տիտիմ շրջանին մէջ գտնուող մատուռին մէջ, 150 տարի անց, կատարուած է առաջին մկրտութիւնը: Պոլսահայ «Ակօս» թերթին փոխանցած տեղեկութիւններով՝ քրիստոնեայ ասորի զոյգին նորածին զաւակը մկրտած է Մարտինի մեթրոփոլիթ Ֆիլիւքսինոս Սալիպա Օզմենը:

Տիտիմի Աբոլլոնի տաճարին մօտ գտնուող մատուռը վերակառուցուած է վերջերս` տեղական ինքնակառավարման մարմիններու նախաձեռնութեամբ:

Երեխայի ծնողները` Լորիս Աճարն ու Էնլիլ Սիմոն Աֆրամը պսակադրուած են երկու տարի առաջ` Յոյն ուղղափառ եկեղեցւոյ մէջ: Ուշագրաւ է, որ այս պատմական եկեղեցւոյ մէջ, վերոնշեալ զոյգին պսակադրութիւնը նոյնպէս առաջինն էր վերջին 150 տարուան ընթացքին:

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS