Արցախի Սահմանին Յարաբերական Անդորր է. Սենոր Հասրաթեան

68314

Ղարաբաղա-ատրպէյճանական սահմանագիծին վրայ յարաբերական անդորր է: Այս մասին, ըստ Tert.am-ի, տեղեկացուցած է Արցախի հանրապետութեան ՊՆ մամուլի քարտուղար Սենոր Հասրաթեան:

«Հակառակորդը երբեմն կը խախտէ հրադադարը, սակայն սահմանին յարաբերական անդորր է»,- ըսած է ան:

Յիշեցնենք, որ Յունիս 16-ին, ժամը 18:05-ի սահմաններուն, հակառակորդը հաստոցաւոր հակահրասայլային նռնականետերով խախտած է հրադադարը ՊԲ կեդրոնական ենթակայութեան զօրամասերէն մէկուն պահպանութեան տեղամասին ուղղութեամբ, որուն հետեւանքով մահացած են ՊԲ զինծառայողներ Արայիկ Ռուդիկի Մատինեանը (1997), Վիգէն Ժիրայրի Պետրոսեանը (1997) եւ Վարդան Ծովակի Սարգսեանը (1997): Յունիս 17-ին առաւօտեան ատրպէյճանական կողմի գործողութիւններուն հետեւանքով նահատակուած է ՊԲ զինծառայող, 1997-ի ծնունդ Նարեկ Տիգրանի Գասպարեանը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS