Ֆրանսայի Խորհրդարանին մէջ 3 Հայ Պատգամաւոր Ընտրուած է

68311

Ֆրանսիայի մէջ Յունիս 18-ին տեղի ունեցած է երկրի խորհրդարանի` Ազգային ժողովի ընտրութիւններու երկրորդ փուլը, որուն իբրեւ արդիւնք 3 հայ ընտրուած է պատգամաւոր:

Փարիզի արուարձան Սեն Գլուի մէջ յաղթանակ տարած է Ժաք Մարիլոսեանը, որ կը ներկայացնէ երկրի նախագահ Էմանուէլ Մաքրոնի «Յառաջ Հանրապետութիւն» կուսակցութիւնը:

Մարիլոսեանը ստացած է 50,42 տոկոս ձայն, մինչդեռ Հանրապետականներու թեկնածու Էրիք Պերտոադին ստացած է 49,58 տոկոս ձայն:

Էր եւ Լուար բաժանմունքի (Ֆրանսայի կեդրոնական մասի հիւսիսը) առաջին բաժինին մէջ յաղթանակ տարած է երկրի նախագահ Էմանուէլ Մաքրոնի «Յառաջ Հանրապետութիւն» (La Rռpublique en marche) կուսակցութեան ներկայացուցիչ Կիյոմ Գասպարեան: Ան ստացած է ձայներու 55 տոկոսը: Հանրապետական Ֆրանք Մասելուսը հաւաքած է ձայներու 44 տոկոսը:

Բացի այդ, Ֆրանսայի խորհրդարանական երկրորդ փուլին յաղթանակ տարած է նաեւ հայ Դանիէլ Կազարեանը:

Յիշեցնենք, որ Հինգերորդ Հանրապետութեան քաղաքացիները կ՝ընտրէին առաջիկայ հինգ տարուան պատգամաւորները:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS