Էրտողան Զայրացած Ու Զարմացած է

erdoganՄիացեալ Նահանգներու իշխանութիւններուն կայացուցած որոշումը զայրացուցած է Թուրքիոյ նախագահ Ռեճեփ Թայիփ Էրտողանը: «Իմ թիկնապահներէս 12-ը կալանաւորելու մասին որոշում ընդունած են: Սա ի՞նչ օրէնք է, սա ի՞նչ իրաւունք է: Եթէ անվտանգութեան ծառայութեան այդ աշխատակիցները զիս պիտի չպաշտպանէին, ապա ինչո՞ւ ես զանոնք ինծի հետ Միացեալ Նահանգներ տարած էի: Ամերիկացի Հանսի ու Ճորճի միջոցո՞վ պէտք է ինքզինքս պաշտպանեմ»,-էրտողանի խօսքերը փոխանցած է «Անատոլու» գործակալութիւնը, գրելով, որ  Էրտողան  կատարուածին մէջ կը մեղադրէ  ամերիկեան ոստիկանութիւնը եւ  անընդունելի կը համարէ  ԱՄՆ քաղաքացի երկու թուրքերը ձերբակալելը:

Յիշեցնենք, որ նախապէս Թուրքիոյ արտաքին գործոց նախարարութիւն կանչուած էր այդ երկրին մէջ Միացեալ Նահանգներու դեսպանը:

ԱՄՆ-Թուրքիա յարաբերութիւնները սկսան լարուիլ այն ժամանակ, երբ ԱՄՆ-ի քոնկրեսը կատարուածը դատապարտող նախագիծ ընդունեց, որմէ ետք Ուաշինկթընի քաղաքապետն ու  ոստիկանապետը յայտարարեցին, թէ Թուրքիոյ նախագահ Ռեճեփ Թայիփ Էրտողանի կողմնակից խումբի 18 անդամի ձերբակալութեան հրաման տրուած է: Անոնցմէ 12-ը Էրտողանի անվտանգութեան ծառայութեան աշխատակիցներ են:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS