Լոնտոնի Մէջ Մոլեգնող Հրդեհին Հետեւանքով Տուժած է Առնուազն 30 Մարդ

68034

Առնուազն 30 մարդ տուժած է Լոնտոնի Grenfell Tower բարձրայարկ բնակելի շէնքին մէջ մոլեգնող հրդեհին հետեւանքով։ Հրդեհը բռնկած է գիշերը:

Բոլոր տուժածները տեղափոխած են հիւանդանոց: Այս մասին, ըստ Artsakhpress.am-տ, Twitter-ի իր էջին մէջ յայտնած Է բրիտանական մայրաքաղաքի շտապօգնութեան ծառայութիւնը:

«Մենք 30 տուժած տեղափոխած ենք Լոնտոնի հինգ հիւանդանոցներ: Մեր աշխաակիցները կը մնան պատահարի վայրը»,- ըսուած է յայտարարութեան մէջ: Լոնտոնի արեւմտեան մասը գտնուող 27 յարկանի բնակելի շէնքը ճարակած հրդեհը յայտարարուած է լուրջ պատահար, նշած է քաղաքի հրշէջ ծառայութիւնը:

Սքոթլենտ-եարտը, ոստիկանութիւնը բռնկման մասին առաջին ահազանգը ստացած է տեղական ժամանակով ժամը 01:16-ին (Երեւանի ժամանակով ժամը 04:16-ին): Հրդեհը մարելու համար գործի դրուած է 40 միաւոր սարք: Տեղւոյն վրայ կ՝աշխատին շտապօգնութեան 20-է աւելի խումբեր: Sky News հեռուստաալիքը, վկայակոչելով ականատեսները, յայտնած է, որ շէնքէն «գրեթէ բան չէ մնացած»: Լոնտոնի հրշէջ պահպանութեան աշխատակիցներու տեղեկատւութեան համաձայն` կ՝այրին շէնքի երկրորդէն մինչեւ 27-րդ յարկերը: Կայ նաեւ շէնքը փլելու վտանգ:

Ոստիկանութիւնը յայտնած է, որ մինչ այժմ կը շարունակուի շէնքէն մարդոց տարհանումը: Դեռ յայտնի չէ` քանի մարդ կը գտնուէր շէնքին մէջ եւ անոնցմէ քանի հոգին յաջողած է փրկուիլ:

Տարհանուածները կը տեղաւորեն մերձակայ քրիստոնէական կեդրոնին մէջ: Առայժմ ոչ մէկ տեղեկատւութիւն կայ, թէ ինչը կրնար դառնալ հրդեհի պատճառ, եւ ինչպէս կրակը կրնար այդչափ մեծ մակերես ընդգրկել:

Ըստ որոշ տուեալներու՝ շէնքին մէջ կայ շուրջ 200 բնակարան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS