Իրանի Մէջ Հայաստանի Դեսպանութիւնը Կոչ Կ՛ընէ Հայերուն Զերծ Մնալու Թեհրանի Մարդաշատ Վայրեր Այցելութիւններէն

iranԻրանի Իսլամական Հանրապետութեան խորհրդարանի եւ Իմամ Խոմէյնիի դամբարանի վրայ Յունիս 7-ի առաւօտեան տեղի ունեցած զինուած յարձակումներու ատնչութեամբ Իրանի մէջ Հայաստանի դեսպանութիւնը կը յորդորէ Իրանի մէջ գտնուող Հայաստանի քաղաքացիներուն զերծ մնալ իրաւապահ մարմիններու կողմէ իրականացուող գործողութիւններու տարածքներ, մասնաւորապէս` Թեհրանի հարաւային շրջաններ եւ մարդաշատ վայրեր (մեթրօ, շուկայ եւ այլն) այցելութիւններէն:

«Արտակարգ իրավիճակներու մէջ յայտնուելու պարագային կը խնդրենք անյապաղ կապ հաստատել Իրանի մէջ Հայաստանի դեսպանութեան հետ (հեռ.` (0098) 21 6670 4833, հասցէ` Ճոմհուրի-է Էսլամի պող., Ռազի պող., Օսթադ Շահրիյար փող., թիւ 32): Դեսպանութիւնը կը հետեւի իրադարձութիւններու ընթացքին: Անհրաժեշտութեան պարագային պիտի տրամադրուի լրացուցիչ տեղեկատուութիւն: Այս պահուն տուժածներուն մէջ Հայաստանի քաղաքացիներու, հայերու առկայութեան մասին տեղեկատուութիւն չկայ»,-«Արմենփրես»-ի հաղորդմամբ` կը նշէ դեսպանութիւնը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS