Պայմանագրային Զինծառայողը Զոհուած է Ծառայակիցի Կողմէն Զէնքի Հետ Վարուելու Կանոնները Խախտելուն Հետեւանքով

65353

Հայաստանի քննչական կոմիտէի զինուորական քննչական գլխաւոր վարչութեան ութերորդ կայազօրային քննչական բաժինի վարոյթին մէջ յարուցուած է քրէական գործ` պայմանագրային զինծառայող, շարքային Նարեկ Զաւէնի Յակոբեանի զոհուելու դէպքին առիթով:

ՀՀ Քննչական կոմիտէի մամուլի ծառայութեան տեղեկութիւններով՝ նախնական տուեալներով` Նարեկ Յակոբեանը զոհուած է Ապրիլ 21-ին, ժամը 10:25-ի սահմաններու, Վայոց Ձորի մէջ կազմակերպուած ճամբարային հաւաքներու ժամանակ N զօրամասի 6-րդ վաշտի պայմանագրային զինծառայող, կրտսեր տասնապետի կողմէն ինքնաձիգը մաքրելու պահուն զէնքի հետ վարուելու կանոնները խախտելուն հետեւանքով առաջացած կրակոցէն:

Դէպքին առիթիով ՀՀ ՔԿ զինուորական քննչական գլխաւոր վարչութեան ութերորդ կայազօրային քննչական բաժինի վարոյթին մէջ յարուցուած է քրէական գործ` ՀՀ քրէական օրէնսգրքի 373-րդ յօդուածի 3-րդ մասով կը կատարուի նախաքննութիւն:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS