Սամպոյի Եւրոպայի Ախոյեանութեան Հայաստանի Մարզիկները 12 Մետալ Նուաճած Են

1582Պրահայի մէջ կը շարունակուին Սամպոյի Եւրոպայի պատանիներու, աղջիկներու, երիտասարդներու ախոյեանութիւնները: Մրցումներուն առաջին օրը Հայաստանի մարզիկները նուաճած էին մէկ ոսկէ, մէկ արծաթէ, երեք պրոնզէ մետալ:

Մրցումներուն 2-րդ օրը նոյնպէս ՀՀ մարզիկները շարունակած են յաջող ելոյթները:Պրոնզէ մետալներ նուաճած են պատանեկան ախոյեանութեան մէջ Գասպար Հայրապետեան` 52 քկ․, Սերկէյ Պօղոսեան` 65 քկ․, Անի Տէր Յարութիւնեան` 44 քկ․, երիտասարդականին` Արթուր Մանուկեան` 52 քկ:

Արծաթէ մետալներու արժանացած են` պատանիներու մրցապայքարին մէջ Կարէն Յովհաննիսեան (81 քկ․) ու երիտասարականին՝ Աննա Մկրտչեան (+80քկ․): Իսկ Գրիգոր Սահակեան ուժեղագոյնն էր երիտասարդական ախոյեանութեան 90քկ․ ծանկութեան կարգին մէջ:

Երկու օրուան արդիւնքներով Հայաստանը ներկայացնող մարզիկները նուաճած են 12 մետալներ, որոնցմէ երկուքը՝ ոսկէ, երեքը՝ արծաթ, եօթը` պրոնզէ:

Եւրոպայի ախոյեանութեան Հայաստանը կը ներկայացնէ 19 մարզիկ: Ախոյեանութիւնը պիտի շարունակուի մինչեւ Ապրիլ 21:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS