Ահաբեկչական Յարձակում` Փարիզի Շանզելիզէ Թաղամասին Մէջ

ahapegich_42017

Երէկ երեկոյեան Ֆրանսայի մայրաքաղաք Փարիզի Շանզելիզէ թաղամասին մէջ տեղի ունեցաւ ահաբեկչական յարձակում մը, որուն զոհ գացին ոստիկան մը եւ յարձակումը կատարողը: Աւելի ուշ ֆրանսական ոստիկանութիւնը յայտարարեց, որ մահացած է երկրորդ ոստիկան մըն ալ, որ ծանրօրէն վիրաւորուած է յարձակումին ժամանակ:

Լիբանանի «Ազդակ» օրաթերթին հաղորդած տեղեկութիւններով՝ ոստիկանութիւնը յայտարարեց, որ խուզարկած է յարձակումը կատարողին բնակարանը: Կալանաւորման հրամանագիր մը արձակուած է նաեւ երկրորդ կասկածելիի մը նկատմամբ:

ՏԱՀԵՇ ահաբեկչական խմբաւորումը ստանձնեց յարձակումին պատասխանատուութիւնը` յայտարարելով, որ յարձակումը կատարողը խմբաւորումի անդամներէն Ապու Եուսեֆ Պելճիքին է:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS