Ցեղասպանութեան Ճանաչման Պահանջքէն Պէտք է Անցնիլ Հատուցման Դաշտ. Պատմաբան

edig minasianՀայոց ցեղասպանութեան 100-ամեայ տարելիցը պայքարի եւ արդարութեան ճանապարհի նոր սկիզբ էր: Ատկէ երկու տարի անց ակնյայտ է, որ ճանաչման պահանջքէն պէտք է անցնիլ դէպի հատուցման դաշտ: Այսօր կայացած մամուլի ասուլիսի ժամանակ ըսած է  պատմական գիտութիւններու դոկտոր, փրոֆէսոր Էդիկ Մինասեան, կը հաղորդէ “Փանորամա”-ն:

«Փոխհատուցման գործընթացը շատ կարեւոր է: Ցաւօք, այսօր մտավախութիւն ունիմ, որ այդ հարցի բարձրացումը միջազգային հարթակի վրայ հնարաւոր չէ: Նման քայլ կրնան կատարել Ցեղասպանութիւնը վերապրածներու ժառանգները, իսկ պետական մակարդակով հարցի բարձրացման պէտք է նախորդէ միջազգային ուժերի ճանաչումն ու սատարումը: Իրականութեան մէջ հարցին պէտք է համալիր մօտեցում»,- նկատած է բանախօսը` փոխհատուցման լաւագոյն  օրինակ համարելով Սիսի կաթողիկոսարանի վերադարձի պահանջքը:

էդիկ Մինասեան նաեւ յիշեցուցած է` Ցեղասպանութեան 100-ամեայ տարելիցին քանի մը երկիրներ ճանչցան պատմական իրողութիւնը: Գործընթացը, պատմաբանին համոզումով, յատկապս կարեւոր է այն երկիրներուն մէջ, որոնք դաշնակցային յարաբերութիւններու մէջ եղած են Թուրքիոյ հետ, սակայն որեւէ կերպով չեն խոչընդոտած անոր ցեղասպան գործողութիւնները։ Խօսքը, մասնաւորապէս, Աւստրիոյ խորհրդարանին կողմէ ճանաչման մասին է:

էդիկ Մինասեանի խօսքով, պակաս կարեւոր չէ նաեւ Թուրքիոյ մէջ որոշ շրջանակներու կողմէ պատմական իրողութեան ընդունման փաստը: Թուրք հասարակութեան մէջ, անոր համոզումով, արմատական փոփոխութիւններ տեղի ունեցած են: Մասնաւորապէս երիտասարդութեան ստուար զանգուած մը կը ճանչնայ եւ կ՛ընդունի Ցեղասպանութիւնը, մինչդեռ թրքական պետութիւնը ամէն կերպով կը ժխտէ զայն:

Պատմաբանը չբացառեց, որ Ֆրանսան նախագահական ընտրութիւններէն ետք խորհրդարանին մէջ կրնայ վաւերացնել Ցեղասպանութեան ժխտումը քրէականցնող օրինագիծը:

Իսկ ահա ԱՄՆ նախագահ Տանըլտ Թրամփէն լուրջ եւ հետեւողական փոփոխութիւններ ակնկալելը դժուար է, համազուած է Մինասեան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS