Թուրք Արուեստագէտին Ցուցահանդէսը` Նուիրուած 1915-էն Մինչեւ Օրս Տեղի Ունեցած Բռնագաղթերուն

sa

Թուրք արուեստագէտ Արզու Պաշարանը բացած է «Դեռ այնտեղ» խորագիրով հերթական ցուցահանդէսը, որուն միջոցով կ՝ուզէ ուշադրութիւն հրաւիրել երեւոյթի մը վրայ, որ սկսած է Հայոց Ցեղասպանութեան ժամանակներէն եւ այժմ ալ տարածուած է Սուրիոյ եւ Տիրարպեքիրի մէջ:

Պաշարանը բիծերու, գիծերու եւ տարբեր միջոցներով պատրաստած կտաւներով փորձած է արծարծել բռնագաղթի թեման: Ըստ Ermenihaber.am-ի՝ թրքական «medyascope.tv»-ի հետ կայացած զրոյցի մը ընթացքին՝ Պաշարանը ըսած է, թէ այդ ցուցահանդէսը տեսակ մը հաշտութիւն է` կապուած Հայոց Ցեղասպանութեան, Ռուանտայի, Պոսնիայի կոտորածներուն եւ վերջին տարիներուն Տիարպեքիրի մէջ կատարուածին վերաբերեալ:

Պաշարան նշած է, որ այդ հաշուետւութեան ցանկութիւնը իր մէջ յառաջացած է Հրանդ Տինքի սպանութենէն ետք` աւելցնելով, որ ցուցահանդէսը սահմանափակուած չէ միայն 1915 թուականով, այլ կը պատմէ նաեւ այսօր Սուրիոյ եւ Տիարպեքիրի մէջ իրենց տուներէն զրկուած ու գաղթի դատապարտուած մարդոց պատմութիւնը:

Սթամպուլի 44 Art Gallery-ին մէջ բացուած ցուցահանդէսը բաց պիտի մնայ մինչեւ Մայիս 15:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS