Ազգային Խայտառակութիւն, թէ՞ Ողբերգութիւն

Снимок-13-750x450

«Մենք` Ախալքալաքի Սակրեբուլոյի ներքոստորագրեալ պատգամաւորներս, կը տեղեկացնենք, որ 2017 Ապրիլ 24-ին, ողջ հայ ժողովուրդն ու առաջադէմ մարդկութիւնը կը նշէ Օսմանեան կայսրութեան կողմէն իրականացուած Հայոց
Ցեղասպանութեան 102-րդ տարելիցը: Յանցագործութիւնը ճանչցած ու դատապարտած են բազամաթիւ երկիրներ, միջազգային կազմակերպութիւններ, տարբեր քաղաքներ:

Պատմական արդարութեան վերականգնման համար Ախալքալաքի քաղաքային ժողովը պէտք է ճանչնայ եւ դապատարտէ Հայոց Ցեղասպանութիւնը»,- Ապրիլ 12-ին այսպիսի բովանդակութեամբ յայտարարութիւն տարածած են Ախալքալաքիի տարածաշրջանային ժողովի (Սակրեբուլօ) 13 պատգամաւորները: Յոյս ծնաւ, որ Վրաստանի ծագումով հայ քաղաքացիներով խիտ բնակեցուած քաղաքապետարանի ներկայացուցչական մարմինը վերջապէս 1915-23-ին ցեղասպանութեան փաստը դատապարտող հատարարութիւն-փաստաթուղթ պիտի ընդունի:

Բայց ծնած յոյսը շատ արագ մարեցաւ: Ապրիլ 14-ին Ախալքալաքի տարածաշրջանային Ժողովի արտահերթ նիստը չեղեալ համարուեցաւ:

«Ժողովի արտահերթ նիստը, որուն ընթացքին պէտք է քննարկուեր հայ ժողովուրդի ցեղասպանութեան դատապարտման հարցը, չկայացաւ անհրաժեշտ քանակով պատգամաւորներու ներկայ չգտնուելուն պատճառով: Դիմում ստորագրած է 13 պատգամաւոր, որոնց 3-ը իբրեւ արդիւնք ետ վերցուցին իրենց ստորագրութիւնները»,- յաջորդ օրը` Ապրիլ 14-ին, յայտարարած է Ախալքալաքի տարածաշրջանային ժողովի նախագահ Համլէթ Մովսիսեան:

Հարկ է նշել, որ Ախալքալաքիի տարածաշրջանային ժողովը կազմուած է 37 պատգամաւորէ, որուն 32-ը կը կրէ հայկական մականուն: Գործող օրէնսդրութեան համաձայն` որպէսզի տարածաշրջանային ժողովը կարենայ նիստ
գումարել եւ որեւէ որոշում կայացնել, անհրաժեշտ է պատգամաւորներու ընդհանուր քանակի մէկ երրորդէն ոչ պակասին ներկայութիւնը: Ախալքալաքի տարածաշրջանային Ժողովի պարագային 13 պատգամաւորը բաւական է օրինական նիստ իրականացնելու համար:

1915-23 ցեղասպանութեան հարցը Ժողովի աշխատանքային օրակարգին մէջ ներառելու նախաձեռնողը տեղի «Սամցխէ-Ջաւախքի եւ Քուեմօ-Քարթլիի Հայկական հաասարակական Կազմակերպութիւններու Խորհուրդ» կազմակերպութիւնն է:

Նախաձեռնող կազմակերպութեան ներկայացուցիչ Նորիկ Կարապետեանը կը պնդէ, որ արտահերթ նիստի իրականացման նախաձեռնութեան ներքոյ ստորագրող պատգամաւորներուն վրայ ճնշում գործադրուած է:

«Այն պատգամաւորներուն վրայ, որոնք ստորագրած են դիմումը եւ կը ծրագրէին քննարկել հարցը Ժողովի արտահերթ նիստին ընթացքին, Ժողովի նախագահի,  ճնշման իբրեւ արդիւնք՝ դիմումը ստորագրած 13 պատգամաւորներէն 3-ը` Պարգեւ Եորտանեանը, Արմէն Պոլորչեանը եւ Գրիգոր Ծորմուտեանը հրաժարած են իրենց ստորագրութիւններէն: Մնացեալ 10 պատգամաւորները կ՝ըսեն, որ իրենք արդեն չեն ուզեր, որ տարածաշրջանային Ժողովը քննարկէ տուեալ հարցը»,- յայտարարած է Նորիկ Կարապետեան:

Եւ ահա, թէ ինչ կ՝ըսէ տարածաշրջանային Ժողովի` մէկ օր առաջ ստորագրած իր դիմումէն հրաժարած երեք պատգամաւորներէն մէկը․

«Ես հայ եմ: Այդ իսկ պատճառով ես ստորագրեցի այդ դիմումը: Մինչդեռ, երբ ես տեսայ, որ գործընթացը շարունակութիւն չ՝ունենար, երբ ես տեսայ, որ այդ հարցին շուրջ ընդհանուր մօտեցում դեռ գոյութիւն չունի, որոշում ընդունեցի, որ այս անգամ ես կը հրաժարիմ եւ կը վերցնեմ իմ ստորագրութիւնը, մինչ այն ժամանակ, երբ տարածաշրջանային Ժողովը տուեալ հարցին շուրջ միասնական մօտեցում կը մշակէ»,- յայտնած է Գրիգոր Ծորմուտեան:

www.armenian-community.ge

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS