Էրտողան Հանրաքուէին Ունեցած Յաղթանակը Անուանած է «Յաղթանակ Խաչակիրներու Դէմ»

erdoganԹուրքիոյ նախագահ Ռեճեփ Թայիփ Էրտողան սահմանադրական փոփոխութիւններու վերաբերեալ հանրաքուէին ունեցած յաղթանակը անուանած է «յաղթանակ խաչակիրներու դէմ», կը հաղորդէ «Նիուզ»-ը

Էրտողան շնորհակալութիւն յայտնած է իր կողմնակիցներուն եւ յայտնած, որ «իրենց շնորհիւ Թուրքիան կրցաւ յաղթել մինչեւ այսօր խաչակիրի հոգեբանութեամբ ապրող արտաքին եւ ներքին թշնամիներուն», կը գրէ թրքական «Հիւրիէթ» պարբերականը:

«Մենք կրնանք խոնարհիլ միայն մեր սուրբ նախնիներուն առջեւ, ուրիշ ոչ ոքի», – ըսած է Էրտողան:

Յիշեցնենք, որ Ապրիլ 16-ին տեղի ունեցած սահմանադրական փոփոխութիւններու վերաբերեալ հանրաքուէի ժամանակ, պաշտօնական տուեալներով՝ յաղթած են կառավարման նախագահական համակարգի անցման կողմնակիցները` 51,41 տոկոս ձայնով: Վերջնական արդիւնքները պիտի ամփոփուին 11-12 օրէն` բողոքարկումները դիտարկելէ ետք:

Փոփոխութիւններու այս ծրագիրը կ՛ենթադրէ, որ նախագահը դառնայ պետական համակարգի ղեկավար, եւ անոր պատկանին փոխնախագահներու, նախարարներու եւ բարձրաստիճան պաշտօնեաներու նշանակման լիազօրութիւնները:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS