Շեր Բացատրած է, Թէ Ինչո՞ւ Միացեալ Նահանգներն ու Բրիտանիան Չեն Ուզեր Ճանչնալ Հայոց Ցեղասպանութիւնը


cherԱշխարհահռչակ երգչուհի Շեր Մեծ Բրիտանիոյ կառավարութեան կոչ կ՛ուղղէ ճանչնալու Հայոց ցեղասպանութիւնը, կը գրէ «Նիուզ»-ը:

Շերը նշած է, որ Միացեալ Նահագներու եւ Մեծ Բրիտանիոյ կառավարութիւնները չեն ճանչնար ցեղասպանութիւնը, քանի որ Հայաստան ոչինչ ունի անոնց տալու»,- կը գրէ barrheadnews.com-ը:

«Մենք փոքր ենք: Հայաստանը դէպի ծով ելք չունի: Մենք քարիւղ չունինք: Մենք անոնց տալու ոչինչ ունինք: Որքա՞ն ժամանակ պէտք է` Ցեղասպանութիւնը ճանչնալու համար»,- «Խոստումը» ֆիլմի ցուցադրութեան ժամանակ Press Association-ի հետ զրոյցի ընթացքին ըսած է Շեր:

Երգչուհին նշած է, որ հայերը ոչինչ ունեն` այս երկրները հետաքրքրելու համար. «կարելի է կարծել, որ անոնք ատիկա կ՛ընեն իրենց բարութեան շնորհիւ»:

Պատասխանելով հարցումին, յոյս ունի՞, որ Տանըլտ Թրամփ կը ճանչնայ ցեղասպանութիւնը, Շեր ըսած է. «Ո՛չ»:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS