Արցախցի Երեք Ուսուցիչ Պիտի Վերապատրաստուի Պէյրութի Ս. Խաչ-Հարպոյեան Վարժարանին Մէջ

64518

ՀՀ սփիւռքի նախարար Հրանոյշ Յակոբեան Ապրիլ 3-ին ընդունած է Մարտակերտի Վարդան Մինասեանի անուան թիւ 2 հիմնական դպրոցի տնօրէն Մելսիդա Քարդումեանը, ուսուցիչներ Լուսինէ Սաիյեանը եւ Ռուզաննա Աւետիսեանը, որոնք «Դուն ի՞նչ կ՝ընես Արցախի համար» շարժման ծիրէն ներս` Ս. Խաչ-Հարպոյեան վարժարանի հրաւէրով՝ այսօր կը մեկնին Պէյրութ` մասնակցելու ներառական կրթութեան մէկշաբաթեայ դասընթացին: Այս մասին կը հաղորդեն ՀՀ սփիւռքի նախարարութեան մամուլի եւ հասարակայնութեան հետ կապերու վարչութենէն:

Ողջունելով հիւրերը` նախարարը կարեւոր համարած է Պէյրութի Ս. Խաչ-Հարպոյեան վարժարանին նախաձեռնութիւնը, նշած, որ դպրոցը այդպիսով կը փորձէ ամէն ինչ ընել, որպէսզի դառնայ «Դուն ի՞նչ կ՝ընես Արցախի համար» շարժման գլխաւոր մասնակիցը:

Նախարարը բարի ճանապարհ մաղթած է արցախցի ուսուցիչներուն եւ նշած,- «Շատ լաւ պիտի ըլլար, որ ամուր կապուէիք Սփիւռքի ձեր գործընկերներուն հետ, անոնց փոխանցած գիտելիքները, փորձը, ներդնէիք Հայրենիքի, Արցախի մէջ»։

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS