Աթաթուրք Իր Անձնական Գումարով Իրանէն Գնած է Թուրքիան Նախիջեւանին Կապող Փոքր Միջանցքը. Թրքական Կայք

ԱթաթուրքԹրքական Sondakika կայքը հրապարակած է, որ Թուրքիոյ եւ Նախիջեւանի միջեւ այժմ գոյութիւն ունեցող փոքր հատուածը Մուսթաֆա Քեմալ Աթաթուրքը ժամանակին գնած է իր անձնական գումարով, կը գրէ «Նիուզ»-ը:

Թրքական կայքը իր հրապարակումով ուշադրութեան արժանացուցած է այն հանգամանքը, որ Աթաթուրք յանուն երկրի, յանուն թուրքերու ապագայի անվտանգութեան, իր անձնական միջոցները զոհաբերած է:

Կայքը նաեւ նշած է, թէ 90–ականներուն հայերը ցանկացած են նուաճել Նախիջեւանը, սակայն Թուրքիան զօրք ու զինուարական սարքեր կրցած է մտցնել Աթաթուրքի գնած հողակտորին միջոցով ու փրկած Նախիջեւանը:

Աղբիւրը կը նշէ,  ըստ պատմագիտական տուեալներու` 1932-ին Թուրքիան 13քմ․ երկարութեամբ նեղ սահմանային հատվածը վերցուցած է Իրանէն, փոխարէնը տալով գիւղատնտեսական նշանակութեան Քոթուրի դաշտը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS