Կարօ Փայլան Թուրք Նախարարէն Պարզաբանում Պահանջած է Տեղապահի Ընտրութեան Միջամտելու Համար

garo-paylanՊոլսոյ հայոց պատրիարքական Տեղապահի ընտրութենէն ետք Սթամպուլի նահանգապետարանէն ստացուած գրութեան հետ կապուած Ժողովուրդներու ժողովրդավարական կուսակցութեան հայ պատգամաւոր Կարօ Փայլան նամակ յղած է Ներքին գործոց նախարար Սուլէյման Սոլիւին:

 Թրքական Bianet–ի փոխանցմամբ`  Կարօ Փայլան ՆԳ նախարարէն պարզաբանում պահանջած է, թէ ի՛նչ իրաւական հիմքերով Սթամպուլի նահանգապետարանը պատրիարքական Տեղապահի ընտրութենէն ետք ուղարկած է գրութիւն, ուր նշուած է, թէ իբր տեղի ունեցած ընտրութիւնն ու յառաջիկային կազմակերպուելիք Պատրիարքի ընտրութիւնը իրաւական հիմքեր չունին:

Նշենք, որ Պոլսոյ պատրիարքական Տեղապահի ընտրութենէն ետք, երբ պարզուած է, որ յաղթած է Գերմանիոյ հայոց թեմի առաջնորդ, արք. Գարեգին Պեքճեանը, Պոլսոյ փոխպատրիարք արք. Աթէշեան լրագրողներուն ցոյց տուած է գրութիւն մը, ուր Սթամպուլի նահանգապետարանը ոչ իրաւական համարած է տեղի ունեցող գործընթացը:

Տեղի ունեցածէն ետք արք. Աթէշեան կը մերժէ հրաժարական տալ, որուն պատճառով լարուած կը պահէ պոլսահայ համայնքը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS