Հաւաք-Երթ` Ի Յիշատակ Հաց Բերողին

protests-yerevan1
Երէկ Երեկոյեան Ազատութեան հրապարակին վրայ տեղի ունեցաւ հաւաք՝ ի յիշատակ հաց բՀրող Արթուր Սարգսեանին։

Հաւաքի նախաձեռնողներէն Շանթ Յարութիւնեանի որդի Շահէն Յարութիւնեանը շնորհակալութիւն յայտնեց հաւաքուածներուն եւ նշեց, որ երէկ իրենց կողմէ կառավարութիւն ներկայացուցած պահանջագիրին պատասխան չէ եկած, ինչ որ, ըստ անոր՝ հաւասար է մերժումի:

Յիշեցնենք, որ անոնք կը պահանջեն Արթուր Սարգսեանը յուղարկաւորել «Եռաբլուր» զինուորական պանթէոն, ինչպէս նաեւ  պատժել Արթուր Սարգսեանի մահուան մէջ ուղղակի կամ անուղղակի կապ ունեցողները:

Շահէն Յարութիւնեան նշած է, որ իրենց պահանջները կը շարունակեն մնալ նոյնը:

Հաւաքի մասնակիցները՝ երթով Երեւանի կեդրոնական փողոցներով շարժուեցան դէպի կառավարութեան շէնք, ուր ցուցարարներուն դիմաւորեցին մեծ թիւով ոստիկաններ:

original

Ցուցարարները փորձեցին փակել Տիգրան Մեծի պողոտան, ոստիկանները բռնի ուժով հեռացուցին զանոնք ճանապարհի երթեւեկելի մասէն: Ոստիկաններու եւ ցուցարարներու միջեւ բախում տեղի ունեցաւ Սախարովի հրապարակին վրայ, երբ ցուցարարները փորձեցին փակել նաեւ Նալբանդեան փողոցը:

Երթի մասնակիցները այսօր նոյնպէս կը պատրաստուին բողոքի ցոյց իրականացնել նոյն ժամուն 18.00-ին, Ազատութեան հրապարակին վրայ:

Նշենք, որ հաց բերող Արթուր Սարգսեանի հոգեհանգիստը տեղի պիտի ունենայ Երեքշաբթի, Մարտ 21-ին, ժամը 18-ին Շահումեանի գերեզմանատան յարակից «Սան Լազար» սգոյ սրահին մէջ (Լուկաշին 152), իսկ յուղարկաւորութիւնը` Մարտ 22-ին, ժամը 14-ին, նոյն սրահէն:

Յիշեցնենք, որ «Սասնայ ծռեր»ուն օժանդակելու մէջ մեղադրուող Արթուր Սարգսեանը` «Հաց բերող»ը, Մարտ 16-ին մահացած էր «Արմենիա» բժշկական կեդրոնին մէջ:

Արթուր Սարգսեանը 2016 թուականի ամրան ոստիկանութեան Երեւանի ՊՊԾ գունդի տարածքը գրաւելու օրերուն կրակահերթերու տակ մեքենայով ճեղքած էր ոստիկանական պատն ու սնունդ տարած «Սասնայ ծռեր» զինուած խումբին:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS