Արամեանցի Տունը Պիտի Վերանորոգուի «Տաշիր» Հիմնադրամին Աջակցութեամբ

aramyants houseԱզգային գործիչ, բարերար Միքայէլ Արամեանցի` Ախթալայի տունը պիտի վերանորոգուի «Տաշիր» բարեգործական հիմնադրամի աջակցութեամբ:

ՀՀ վարչապետ Կարէն Կարապետեան Մարտ 19-ին Լոռիի մարզ կատարած աշխատանքային այցի ընթացքին ըսած է, որ համապատասխան պայմանաւորուածութիւնը ձեռք բերուած է «Տաշիր» հիմնադրամի ղեկավար Վահէ Կարապետեանի հետ։

«Վահէ Կարապետեանի հետ պայմանաւորուած ենք սկսելու Միքայէլ Արամեանցի տան վերականգնման ծրագիրը, որ ունի ճարտարապետական իւրայատուկ ոճ, հիանալի շինութիւն է: Վստահ եմ, որ անիկա կրնայ դառնալ հետաքրքրական զբօսաշրջային կեդրոն եւ Ախթալայի այցեքարտ»,- «Մեդիամասք»-ի փոխանցմամբ՝ ըսած է ՀՀ վարչապետը Արամեանցի տուն կատարած այցելութեան ընթացքին:

Յիշեցնենք, որ Միքայէլ Արամեանցի ամառանոցը, ՀՀ կառավարութեան որոշումով, ընդգրկուած է պատմութեան եւ մշակոյթի անշարժ յուշարձաններու պետական ցանկին մէջ եւ ստացած պատմամշակութային յուշարձանի կարգավիճակ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS