Կ՝ուզես Օրդ Հեքիա՞թ Դառնայ` Սէր, Ցաւ, Յիշողութիւն Խառնէ՛ ու Շաղէ՛, Ինչպէս Կը Հունցես Հացի Խմորը. Ղարաբաղցեան

gharapaghtsian

Սպարտակ Ղարաբաղցեանի «Արեւի բնակավայրը» գիրքին շնորհանդէսը կայացած է Մարտ 16-ին, «Նարեկացի» արուեստի միութեան Շուշի կեդրոնէն ներս։ Շնորհանդէսի կայացման նպաստած է ԼՂՀ Մշակոյթի եւ Երիտասարդութեան հարցերու նախարարութիւնը։ Այս մասին կը յայտնեն «Նարեկացի» արուեստի միութենէն։

Իր ներկայութեամբ «Նարեկացի» արուեստի միութիւնը պատուած է հեղինակը, որուն ամբողջ կեանքը յիշողութիւն է, որուն ստեղծագործութեան ենթահողը յիշողութիւնն է, եւ եթէ ան կը զրուցէ մէկուն հետ, ատիկա նոյնպէս` յիշողութիւնն է: Անոր պատմուածքներուն հերոսները կ՝ապրին քաղցր յիշատակներու մտերմութեամբ, անոնց կեանքին ուղեցոյցը քրիստոնէական հաւատքն է: Կ՝երգեն Կոմիտասի երգերը ու կը հաւատան, որ անդարձ յիշատակները, երբ կը յիշես զանոնք, անպայման հեքիաթ կը դառնան:

Հեղինակի 30 տարուան ընկերները շնորհաւորած են զինք՝

1) «Անոր ստեղծագործութիւնը հայու ոգիի նկարագիրն է»,- բանաստեղծ ` Ռոպերթ Եսայեան,

2) «Ատիկա մեր մասին է»,- Վարդգէս Բաղրեան,

3) «Եթէ կ՝ուզես աշխարհը շրջիլ` բաց «Արեւի բնակավայրը» կարդայ:
Սպարտակը կը գրէ խորունկ եւ միաժամանակ պարզ»,- Միքայէլ Հաճեան,

4) «Հեղինակը Դանկոյի նման իր սիրտը կը մատուցանէ աշխարհին»,- տիկին Անտիկ` ընթերցող

5) Շնորհաւորած է նաեւ սփիւռքահայ ընկերը` Մովսէս Ֆաքճեան, կարդալով Սիամանթոյէն հատուած մը:

Երբ երեկոյի աւարտին ներկաները դիտած են հեղինակի սենարին հիման վրայ նկարահանուած «21 դարու Վանտալներ» ֆիլմին «Շուշի» հատուածը` բոլորը համակուած են հեղինակին արտայայտած համոզմունքով:
«Այո՛, Շուշին մեր Երուսաղէմն է»։

P.S. Շնորհակալութիւն ԼՂՀ Մշակոյթի եւ Երիտասարդութեան հարցերի նախարարութեանը «արեւի բնակավայրըէ գրքի շնորհանդէսը կազմակերպելու հնարաւորութիւն ստեղծելու համար:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS