Երկօրեայ Ցուցահանդէս-Վաճառք՝ Հայ Ուս. «Չհարմահալ» Միութեան Նոր Ջուղայի Մասնաճիւղի Նախաձեռնութեամբ

jakad_vajark

Հայ Ուս. «Չհարմահալ» միութեան Նոր Ջուղայի մասնաճիւղի նախաձեռնութեամբ, Մարտ 2-ին եւ 3-ին, սոյն մասնաճիւղի կեդրոնատեղիի դահլիճին մէջ իրականացաւ գարնանային ցուցահանդէս-վաճառք՝ առիթ ընձեռելով Նոր Ջուղայի եւ Շահինշահրի հայ համայնքներու ձեռներեց կանանց՝ վաճառքի հանելու իրենց պատրաստած թխուածքները, ձեռքի աշխատանքները, տօնական զարդերը, մրգանուշը,  թթուեղէնը եւ շարք մը այլ իրեր: Վաճառքի բաժինին մէջ յատուկ կրպակ ունէին նաեւ կազմակերպիչ միութիւնն ու Նոր Ջուղայի Հայուհեաց Բարեգործական ընկերութիւնը՝ ցուցադրելով իրենց շնորհաշատ անդամուհիներու ձեռքի պատրաստածը:

Երկօրեայ աշխատանքին ընթացքին՝ բազմաթիւ հայ եւ պարսիկ հայրենակիցներ այցելեցին սոյն ցուցահանդէս-վաճառքի կեդրոն. պարսիկ հայրենակիցները, յատկապէս, առիթ ունեցան մօտէն ծանօթանալու հայկական ձեռարուեստին ու մշակոյթին:

Վաճառքին զուգահեռ աշխատեցաւ նախատեսուած պիւֆէն՝ այցելուներուն մատուցելով համեղ ուտելիքներ ու ըմպելիքներ:

Ծրագիրի կազմակեպման գործին մէջ՝ մասնաճիւղի վարչութեան հետ համագործակցած էին նոյն միութեան Ձեռնարկային յանձնախումբն ու Գրական միաւորը:

Թղթակից (Նոր Ջուղա)

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS