Կարօ Փայլանը Քննադատած է Թուրքիոյ Ներքին Գործոց Նախարարը

garo paylan

Թուրքիոյ ընդդիմադիր Ժողովրդադեմոկրատական կուսակցութեան անդամ, խորհրդարանի հայ պատգամաւոր Կարօ Փայլանը քննադատած է երկրի ներքին գործոց նախարար Սուլէյման Սոյլուն, որ օրեր առաջ սպառնացած էր Եւրոմիութեան գաղթականութեան նոր ճգնաժամով: Այս մասին կը հաղորէ Tert.am-ը։

Նշենք, որ Սոյլուն՝ քննադատելով Հոլանտայի իշխանութիւնները Թուրքիոյ ընտանիքի հարցերով նախարար Ֆաթմա Պեթիւլ Սայեան Գայան երկրէն վտարելուն համար, յայտարարած էր. «Շատ կ՝ուզեն` մինչեւ հիմա չուղարկած սուրիացի եւ իրաքցի փախստականներէն ամէն ամիս 15.000-ը ուղարկենք Եւրոպա, թող զարմանան»:

«Տես, այս արտայայտութիւնդ քեզի ամբողջ աշխարհի աչքին ֆաշիստ պիտի դարձնէ»,- գրած է Փայլան Twitter-ի իր էջին` նշելով, որ Սոյլուն մէկ անգամ եւս ցոյց տուաւ իր իրական դէմքը Եւրոպային ու աշխարհին:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS