Արթուր Սարգսեանի Մահուան Փաստով Քրէական Գործ Յարուցուած է

76440_bՊՊԾ գործով մեղադրեալ Արթուր Սարգսեանի մահուան փաստով քրէական գործ յարուցուած ` ՀՀ քրէական օրէնսգիրքի 130-­րդ յօդուածի 2-­րդ մասի (բժշկական օգնութիւն ու սպասարկում իրականացնողներու կողմէ մասնագիտական պարտականութիւնները չկատարելը կամ ոչ պատշաճ կատարելը, որ անզգուշութեամբ առաջացուցած է բուժուող հիւանդի մահը) յատկանիշներով: Այս մասին կը տեղեկացնէ ՀՀ քննչական կոմիտէի տեղեկատուութեան եւ հասարակայնութեան հետ կապերու բաժինէն:

Արթուր Սարգսեանը՝ «Հաց Բերող-ը, մահացած է Մարտ 16-­ին` սրտանօթային սուր անբաւարարութեան հետեւանքով «Արմենիա» բժշկական կեդրոնին մէջ:

Անցեալ ամառ Ոստիկանութեան ՊՊԾ գոընդի տարածքը գրաւած «Սանսայ ծռեր» զինուած խումբի գործով կալանաւորուած Արթուր Սարգսեանը կը մեղադրուէր զինուած խումբին օժանդակելուն մէջ․ գունդի տարածքը գրաւելու օրերուն ան մեքենայով ճեղքած էր ոստիկանական պատն ու սնունդ տարած գունդի տարածք:

Դեկտեմբերի վերջին, հաշուի առնելով առողջական վիճակը, Սարգսեանին ազատ արձակած էին: Փետրուար 9-ին, սակայն, դարձեալ կալանաւորած էին․ Յատուկ քնչական ծառայութեան կալանքի հիմք համարած էր այն, որ Սարգսեանը Փետրուար 3-ին չէր ներկայացած քննչական մարմին: Կրկին անազատութեան մէջ յայտնուելու յաջորդ օրուընէ ան անժամկէտ հացադուլ յայտարարած էր: 25 օր հացադուլի մէջ մնալէ ետք՝ Մարտ 6-ին Ազգային ժողովի 27 պատգամաւորներու անձնական երաշխաւորութեամբ «Հաց բերողը» կրկին ազատ արձակուած էր եւ տեղափոխուած «Արմենիա» բժշկական կեդրոն:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS