Հալէպը Կը Վերականգնուի, Որոշ Սուրիահայեր Կը Վերադառնան

aleppoՀալէպը ազատագրուելէ ետք կամաց-կամաց կը վերականգնուի: Արդէն զգալի աշխատանքներ կատարուած են ենթակառուցուածքներու բարելաւման ուղղութեամբ։ Քաղաքին մէջ փակ ճանապարհները բացուած են: Ըստ «Արմենփրես»-­ի՝  յայտնած է Սուրիոյ խորհրդարանի հայ պատգամաւոր Ժիրայր Րէիսեան:

 «Արդեն քարակոյտերը, հողակոյտերը, որոնք փակած էին ճանապարհները, հեռացնելու աշխատանքները բաւական առաջ գացած են: Մանաւանդ այն ճանապարհները, որոնք երկար ժամանակ փակ էին: Ինչ կը վերաբերի տուներուն, ապա փոքր նորոգութիւններ կը կատարուին: Իւրաքանչիւրը իր հնարաւորութեան սահմաններուն մէջ վնասուած տուները կարգի կը բերէ: Շինութիւններուն աւելի մեծ վնասները արդէն այլ ծրագրի մէջ պէտք է ներառուին»,- ըսած ­է ան:

 Տեղի իշխանութիւններու ջանքերով աշխատանքներ կը կատարուին վերագործարկելու կեդրոնական շուկան, ուր գիւղացիները մեծաքանակ արտադրութիւնը կը բերեն վաճառքի: «Զգալի աշխատանքներ կատարուած են Հալէպի օդակայանի վերագործարկման ուղղութեամբ: Կարելի է ըսել, որ աշխատանքները վերջնական փուլի մէջ են: Շրջակայքի ապահովութեան քայլեր կ՛իրականացուին»,- ըսած է­ Ժիրայր Րէիսեան:

Ջրամատակարարման հարցը դեռ կարգաւորուած չէ: Ժիրայր Րէիսեան տեղեկացուցած է, որ ջրամատակարարումը, դժբախտաբար, բաւական երկար ժամանակէ ի վեր խնդիր է: Զինեալ խմբաւորումները ուղղակի կեդրոնէն անջատած էին ջուրի մատակարարումը եւ քաղաքը ջուր չէր գար: «Բայց արդէն անցնող օրերուն բանակը իր առաջխաղացմամբ կրցաւ հասնիլ այդ շրջանները: Զգալի աշխատանքներու շնորհիւ ջուրը հասած է քաղաքի մերձակայքը: Կ՛ենթադրուի, որ այս օրերուն արդէն մեր մօտ կը սկսի ջրամատակարարումը»,- աւելցուցած է ան: Իսկ ելեկտրականութիւնը առայժմ քանի մը ժամով կու գայ:

Ժիրայր Ռէիսեան տեղեկացուցած է, որ Հալէպի մէջ հայկական դպրոցները կը գործեն, վերադարձած են իրենց բնականոն աշխատանքին:

 Ինչ կը վերաբերի պատերազմի տարիներուն այլ երկրներ տեղափոխուած սուրահայերի հնարաւոր վերադարձին, ապա ան նշած է, որ այդ հարցով արդէն որոշ տեղաշարժ կայ:

«Սուրիահայերու տեղաշարժ արդէն կայ, որոշ ընտանիքներ գործնական քայլերու կը դիմեն եւ վերադարձած են: Ի հարկէ, յստակ թիւ չեմ կրնար ըսել, բայց վերադարձողներ կան: Վերադարձողները ե՛ւ Լիբանանէն են, ե՛ւ արեւմտեան երկիրներէ»,- ­աւելցուցած է պատգամաւորը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS