Հայերը Աշխարհի 500 Միլիառատէրերու Ցուցակին Մէջ

samvel_GarabedianԱմերիկեան Bloomberg գործակալութիւնը հրապարակած է 2017-ի աշխարհի 500 ամենահարուստներու ցուցակը:

The Bloomberg Billionaires Index-ները կը ներկայացնեն ամենահարուստ մարդոց օրական վարկանիշը եւ կը թարմացուին ամէն օր: Ցուցակին մէջ ներառուած են 3.61 միլիառ եւ աւելի կարողութիւն ունեցող անձիք:

Առաջին տեղը կը գրաւէ Microsoft-ի հիմնադիր Պիլ Կէյթսը։ Մարտ 14-ի տուեալներով անոր կարողութիւնը կը գնահատուի 85.7 միլիառ տոլար: Երկրորդը տնտեսագէտ եւ ներդրող Ուօրըն Պաֆեթն է. անոր կարողութիւնը՝ 78.7 միլիառ տոլար է։ Եռեակը կ՛եզրափակէ Amazon-ի հիմնադիր Ճեֆ Պեզոսը` 73.9 միլիառ տոլար: Չորրորդը՝  ZARA-ի հիմնադիր Ամանսիօ օրթեկան է` 70,6 միլիառ տոլար: Facebook-ի հիմնադիր Մարք Ցուկերպըրկը հինգերորդն է` 60.1 միլիառ տոլարով:

Ամենահարուստներու ցուցակին մէջ են նաեւ երկու հայ գործարար: Մարտ 14-ին 196-րդ տեղը կը գտնուի «Մակնիթ» առեւտրային ցանցի սեփականատեր Սերկէյ Գալիցքին` 6.93 միլիառ տոլարով։ «Տաշիր» ընկերութիւններու խումբի սեփականատէր Սամուել Կարապետեանը ցուցակի 401-րդն է` 4.28 միլիառ տոլարով:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS