Թուրքերը Հոլանտայի Դրօշի Փոխարէն Շփոթած եւ Այրած են Ֆրանսայի Դրօշը

hollandaԹուրքիոյ Սամսուն քաղաքին մէջ Հոլանտայի դէմ բողոքի ցոյց կազմակերպած խումբ մը քաղաքացիներ սխալմամբ այրած են Ֆրանսայի դրօշը:

Հոլանտայի իշխանութիւնները թոյլ չէին տուած, որ Թուրքիոյ արտաքին գործոց նախարար Մեւլութ Չաւուշօղլուի օդանաւը վայրէջք կատարէ երկրի տարածք, ուր  սահամանդարական հանրաքուէի քարոզչութեան ծիրէն ներս կը նախատեսուէր նախարարին հանդիպումը թրքական համայնքին հետ:

Թրքական «Birgun» լրատուական կայքի տեղեկացմամբ` շուրջ մէկ տասնեակ քաղաքացիներ հաւաքուած են Սամսունի կեդրոնին, երգած են Թուրքիոյ քայլերգը եւ հանդիսաւոր կերպով վառած «Հոլանտայի դրօշը»: Սակայն, ինչպէս կը նշէ կայքը, նկարներէն եւ տեսանիւթէն պարզ կը դառնայ, որ ցուցարարները շփոթած են գոյներով իրարու նման Հոլանտայի եւ Ֆրանսայի դրօշները (երկու դրօշներուն մէջ ալ առկայ են կարմիր, սպիտակ եւ կապոյտ գոյները):

Յիշեցնենք, որ նման դէպք կը տեղի ունեցած էր նաեւ 2014 թուականի Ապրիլ 25-ին Իգտիրի մէջ, երբ մի խումբ թուրքեր  Հայաստանի դէմ ցոյցի ժամանակ հայկական եռագոյնի փոխարէն այրած էին Քոլումպիայի դրօշը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS