Էդուարդ Նալպանտեան Հանդիպած է Իրաքեան Քիւրտիստանի Նախագահին

7490_hqՓետրուար 17-ին Հայաստանի արտաքին գործոց նախարար Էդուարդ Նալպանտեան Միւնիխի մէջ հանդիպած է Իրաքեան Քիւրտիստանի նախագահ Մասուդ Պարզանիին:

Երկու կողմերը արժեւորած են բարձր մակարդակի քաղաքական երկխօսութիւնը, եւ մտքեր փոխանակած փոխայցելութիւններու կազմակերպման, առեւտրատնտեսական համագործակցութեան շուրջ:

Զրուցակիցները քննարկած են Էրպիլի մէջ Հայաստանի գլխաւոր հիւպատոսութեան բացման հետ կապուած հարցեր: Այս ծիրէն ներս Էդուարդ Նալպանտեան շնորհակալութիւն յայտնած է Քիւրտիստանի իշխանութիւններուն կողմէ ցուցաբերուող համակողմանի աջակցութեան համար:

Հայաստանի արտաքին գործոց նախարարին խնդրանքով Քիւրտիստանի ղեկավարը ներկայացուցած է Իրաքի մէջ ահաբեկչական խմբաւորումներու դէմ պայքարին արձանագրուած վերջին զարգացումները:

Հայաստանի արտաքին գործոց նախարարը եւ Իրաքեան Քիւրտիստանի նախագահը անդրադարձած են միջազգային եւ տարածաշրջանային անվտանգութեան հրատապ հարցերու:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS