Արամ Աթէշեան Եւ Սահակ Մաշալեան Պիտի Այցելեն Մայր Աթոռ Սուրբ Էջմիածին

mashalian-ateshianՊոլսոյ պատրիարքի փոխանորդ Արամ արքեպիսկոպոս Աթէշեան եւ Պոլսոյ Հայոց պատրիարքարանի հոգեւոր խորհրդի նախագահ Սահակ եպիսկոպոս Մաշալեան պիտի այցելեն Մայր Աթոռ սուրբ Էջմիածին: Այս մասին «Արմենփրես»-­ի յայտնած է «Ժամանակ» օրաթերթի գլխաւոր խմբագիր Արա Գոչունեան:

«Յաջորդ շաբաթուան մէջ, ամենայն հաւանականութեամբ, Երեքշաբթի օրը, Արամ արքեպիսկոպոս Աթէշեան եւ Սահակ եպիսկոպոս Մաշալեան պիտի ըլլան Էջմիածին: Զանոնք պիտի ընդունի Վեհափառ Գարեգին Բ․ հայրապետը: Կու գան Էջմիածին իրենց յարաբերութիւնը կաթողիկոսի օրհնութեամբ թարմացնելու: Անոնք Սուրբ Էջմիածինի մէջ պիտի աղօթեն իրենց եղբայրութեան համար»,- ըսած է Ա․ Գոչունեան:

Անոր խօսքով, Արամ արքեպիսկոպոս Աթէշեանի եւ Սահակ եպիսկոպոս Մաշալեանի միջեւ ստեղծուած ճգանաժամը լուրջ խոչընդոտի կրնայ վերածուիլ։ Անիկա կարելի եղաւ կասեցնել, այդ գործին մէջ իր ներդրումը ունեցաւ Ամենայն Հայոց Կաթողիկոսը: Ամբողջ ընթացքին Ամենայն հայոց Վեհափառ Հայրապետը իրենց հետ կապի մէջ եղած է, իր հայրապետական յորդորը փոխանցած է այն մասին, որ կասեցնեն վէճի զարգացումը եւ վերադառնան աշխատանքային վիճակի:

Անդրադառնալով պատրիարքի ընտրութիւններու հարցին` Արա Գոչունեան նշած է, որ Փետրուար 16-­ին Արամ արքեպիսկոպոս Աթէշեանի նախագահութեամբ տեղի ունեցաւ խորհրդակցութիւն, որուն մասնակցեցան համայնքային առաջատար գործիչներ: Խորհրդակցութեան նպատակը այն էր, որ Արամ Աթէշեանի եւ Սահակ Մաշալեանի միջեւ յառաջացած լարուածութիւնը հարթուի: Հանդիպման հրաւիրուած է նաեւ Սահակ Մաշալեան: Հանդիպումին  ծաւալած են քննարկումներ, անոնք յաջողած են շրջանցել իրենց միջեւ ծագած ճգնաժամը:

Սահակ եպիսկոպոս Մաշալեան եւ Արամ եկիպոսկոպոս Աթէշեանը պիտի շարունակեն աշխատանքը իրենց պաշտօններուն մէջ: Հանդիպման նաեւ անդրադարձած են հաւանական ժակէտներուն: «Ներկայացուած են քանի մը գաղափարներ պատրիարքի ընտրութեան հաւանական օրուան հետ կապուած: Պատրիարքի ընտրութեան օրը հիմա չի կրնար որոշուիլ: Թուքիոյ մէջ սահամանդրական հանրաքուէէն ետք, որ տեղի պիտի ունենայ Ապրիլ 16-­ին, դիմում պիտի ներկայացուի իշխանութիւններուն պատրիարքական ընտրութիւններ իրականացնելու համար: Ատիկա իրազեկման համար է` սպասելով իշխանութիւններու արձագանգին, որպէսզի այդ գործընթացին մէջ անոնց հետ համակարգուած աշխատանք կատարուի»,- ըսած է­ Արա Գոչունեան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS