Պոլսոյ Հայկական Կեդրոնական Վարժարանը Պոլսահայ Համայնքին Կողմէ Մեծ Նուիրատուութիւն Ստացած է

Կենտրոնական-վարժարանըՊոլսոյ հայկական Կեդրոնական վարժարանը պոլսահայ համայնքի բարերարներուն կողմէ մեծ նուիրատուութիւն ստացած է: Այս մասին կը հաղորդէ «Թերթ․ամ»-ը՝ վկայակոչելով  «Ակօս» պարբերականը:

Երէկ դպրոցի պիւտճէի պակասորդը լրացնելու համար կազմակերպուած բարեգործական ընթրիքի ժամանակ  1 միլիոն 530 հազար թրքական լիրայի (մօտ 390 000 ԱՄՆ տոլար) հասնող պակասորդը փակել յաջողած են մասամբ:

Ընթրիքի ընթացքին Պոլսոյ Հայոց փոխպատրիարք Արամ Աթէշեան յայտնած է, որ բարերարներու կատարած հանգանակութեան շնորհիւ հաւաքուած է մեծ գումարի նուիրատուութիւն` 900 000 թրքական լիրա, իսկ պիւտճէի մնացեալ բացը պիտի փակուի համայնքային հիմնադրամներու համապատասխան աշխատանքի արդիւնքով:

Նշենք, որ Պոլսոյ մէջ կը գործէ 16 հայկական վարժարան, որոնցմէ 13-ը մասնաւոր են, 3-ն ալ կը համարուին համայնքի ընդհանուր սեփականութիւնը: Այս դպրոցներ կրնան յաճախել միայն հայ քրիստոնեայ ընտանիքի զաւակները` ներկայացնելով նախ մկրտութեան թուղթ: Ատիկա կը կատարուի ըստ Թուրքիոյ Հանրապետութեան օրէնսդրութեան, որ երկրի բոլոր քաղաքացիները պաշտօնապէս թուրք կը համարուին, իսկ հայերը, յոյները եւ հրէաները կը համարուին կրօնական փոքրամասնութիւն: Ըստ Լոզանի պայմանագրին` կրօնական փոքրամասնութիւն համարուելու շնորհիւ հայերը իրաւունք ստացած են սորվելու իրենց մայրենին, որմէ զրկուած են քիւրտերը, զազաները, չերքէզներն ու լազերը:

Թուրքիոյ հայկական վարժարաններուն մեծ մասը կը գոյատեւէ համայնքի տարբեր բարերարներու նուիրատուութիւններուն հաշուին, ատոր հետ զուգահեռ` դպրոցներ յաճախող հայ աշակերտներուն թիւը ամէն տարի կը նուազի: Ատիկա կապուած է թէ՛ Կ. Պոլսոյ հայ համայնքի արտագաղթին, թէ՛ վարժարաններու ուսման բարձր վճարներուն հետ (Պոլսոյ հայկական վարժարաններուն ուսման վարձերը կը կազմեն տարեկան միջինը 3000 տոլար):

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS