ՀՀ Զօրամասերէն Մէկուն Մէջ Զինուոր Մը Մահացած է

hratatar

Մարտ 30-ին` ժամը 18:30-ի մօտ, ՀՀ ՊՆ N զօրամասի 4-րդ պահակակէտի տարածքին մէջ գտնուող ելեկտրական կայանին մէջ յայտնաբերուած է պահակակէտի վերակարգին մէջ գտնուող պարտադիր ժամկետային զինծառայող, շարքային Սարգիս Սմբատի Մանուկեանը անգիտակից վիճակի մէջ` էլեկտրահարուած:

Սարգիս Մանուկեանը Արարատի հիւանդանոց տեղափոխուելու ճանապարհին մահացած է:

Քննչական կոմիտէի մամուլի ծառայութենէն կը հաղորդեն, որ դէպքի առթիւ յարուցուած է քրէական գործ` Քրէական օրէնսգիրքի 376-րդ յօդուածի 2-րդ մասով (անփոյթ վերաբերմունքը ծառայութեան նկատմամբ` եթէ անզգուշութեամբ յառաջացուցած է ծանր հետեւանքներ):

Իսկ Մարտ 30-ին սահմանագիծին վրայ զինուոր մը վիրաւորուած է: Հայաստանի պաշտպանութեան նախարարի մամուլի խօսնակ Արծրուն Յովհաննիսեան «Ազատութեան»-ը փոխանցած է, որ զինուորի վիճակը ծանր եղած է, սակայն «բարելավման որոշակի միտումներ կան»: Յաւելեալ մանրամասնութիւններ դեռ չեն փոխանցուած:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS